Mengi vs Rostam;who is fooling who?!

Naam hili nalo limetokea,linaendelea kuchukua sura mpya kila uchao, na kila mmoja analitazama kwa mtazamo wake.

Naongelea malumbano yanayoendelea kati ya Mfanyabiashara maarufu Reginald Mengi na mfanyabiashara mwingine aliye pia mwanasiasa-mbunge wa Igunga- Rostam Aziz juu ya kushutumiana kuhusu ufisadi.

Wengi wetu tumekuwa watazamaji katika hili. Hatahivyo katika utazamaji huu, kila mmoja aliyeweza kuongea la kwake amefanya hivyo. Hii ni kwasababu yale wanayoyaongea wawili hawa yanaigusa kwa namna moja au nyingine jamii ya Kitanzania.

Wengi wetu-kama si wote hatujui nani hasa ni mkweli kati ya hawa wote. Hatahivyo kuna maswali kadhaa ya kujiuliza katika hili:

1. Hawa wote wawili walikuwa wapi kushutumiana siku nyingi kabla ya sasa?nini kimepelekea kuinuka hivi sasa na kunyosheana vidole?

2. Je,vyombo husika vya dola vimechukua hatua gani mpaka sasa kushughulikia shutuma hizo kutoka kila upande?kama havijafanya hivyo,ni kwanini?

3. Je,vyombo vya habari- iwe vinavyomilikiwa na wanaoshutumiana ama la-vimewajibika kwa uadilifu katika kuifahamisha jamii kuhusu malumbano haya?

4. Je, taifa kwa ujumla linafaidika au linaathirika vipi hasa katika malumbano haya?

Kwa maswali haya machache na mengine mengi yaliyomo vichwani mwa watu-hatua hitajika zinapaswa kuchukuliwa dhidi ya malumbano haya.

Tutafakari- wanaohusika wachukue hatua.
Wadau mnasemaje?